Seljord
SELJORD
Velkomen til Seljord!
Drøymer du og familien om å byggje og bu i Seljord? Har du eit ynskje om å finne draumejobben og etablere deg her?
Seljord legg til rette for tilflytting og etablering.
Målet er å vere det gode vertskap og håpar at du får ein varm velkomst til bygda vår!
Ynskjer du å flytte til Seljord eller har du spørsmål knytt til bolig og jobb i Seljord?Då kan du ta kontakt med vår Bygdeutviklar, Kristine Kleiv. Ho arbeider med utvikling og verdiskaping i Seljord og har oversikt over det meste som skjer her i bygda.
Hels på bygdevertane våre!
Ein bygdevert er ein lokalkjend person, som skal bidrar til å gjere det lettare å vere ny i Seljord, hjelper tilflyttarar å få oversikt over kva kommunen har å tilby, og vere med å vise fram Seljord som ein god kommune å bu og arbeide i
Her kan du møte bygdevertane våre i Seljord.
Eit skieventyr
Visste du at Seljord har skiløyper rundt om i heile kommunen?
I Seljord finn ein flott natur og fantastiske fjellområde, som byr på mange ulike skimoglegheiter. Her kan du gå milevis på preparerte skiløyper både i skogen og på fjellplatåa, eller du kan gå opp dine eigne spor. Du finn alle nivå på skiløyper, alt frå barnevennlige løyper til dei meir utfordrande skiløypene. Me har mange lokale løypelag og idrettslag som jobbar frivillig for at det til ein kvar tid er preparerte løyper.
